Tunhnai mai khan Turkish top-flight club Besiktas chuan an first-team squad atangin player panga ngawt an dahchhuak a, chu’ng zingah chuan Man-chester United defen-der hlui Eric Bailly a tel.
Kum 29 mi Bailly hian season liamya khan loan-in Marseille-ah hun a hmang a, kumin September thla maiah Red Devils chhuahsanin Turkish Super Lig club Besiktas hi a zawm a, first team lamah hmun a chang pha rih dawn ta lo a ni.
Ivory Coast centre-back bakah hian Vin-cent Aboubakar, Ra-chid Ghezzal, Jean Onana leh Valentin Rosier-te pawh first-team squad atanga paihchhuah an ni.
Besiktas chuan he’ng player pangate an hnawl chhan hi an khelh chhiat vang a nih piahlamah team squad inpumkhatna tha zawk an thlen loh vang a nih thu an tarlang a, squad thar dinchhuah lam an hawi zui zel dawn tih an sawilang tel bawk.
Hmun chang zo lo langsar zinga mi Bailly hian kum 2016 atanga 2023 chhung khan Old Trafford-ah hun hmang-in, a club thar Besiktas tan hian game riat chiah a la khel a, thuchhuah dengkhawng takin a deng zui ta a ni.
Kum 2016 khan United chuan Villarreal atangin Bailly hi pound maktaduai 30-in an lei chhuak a, Old Trafford-ah season sarih ngawt mai hun hmang mah se hliam leh khelh that lohin a bawm chho ve reng a, Premier League club tan khan match 113 chiah a khel tling.
Bailly ang bawkin kum 31 mi Cameroon captain leh an striker ni bawk Aboubakar bakah a international team-mate kum 23 mi Onana-te chuan kuminah Besiktas hi an zawm a; French right-back kum 27-a upa Rosier leh kum 31 mi lai ni tawh Al-geria winger Ghezzal-te erawh an senipr deuh a, kum 2020-a Besiktas thuam inbel tan an ni.
Player pangate con-tract erawh tihtawp nghal a ni dawn lo a, mahse, first team tana an khelh loh bakah squad rual pawhin an training thei dawn lo a ni.
Riza Calimbay en-kawl Besiktas hian domestic league khelh 15-ah pangana luah mekin, top two team Fenerbahce leh Gala-tasaray lakah point 14 laiin an hniam tawh.
Europa Conference League match nga khelin vawili an tlawm a, group mawngphah ni chungin an tla fel tawh.
Besiktas hnawl zingah Bailly tel
