Beyonce BeyGood Foundation-in L.A. Fire relief atan $2.5M thawh

Beyonce BeyGood Foundation-in L.A. Fire relief atan $2.5M thawh
Beyonce din BeyGood Foundation chuan Los Angeles kangmei chhuak avanga chenna in chân te chhawmdawl nan dollar maktaduai 2.5 an thawh a, an sum thawh hi Altadena leh Pasadena-a kangmei avanga chenna in chân te bakah biak in leh vantlang hmun kang chhia te pualin an pe a ni.
Los Angeles, California hian kangmei an lo tuar zauh zauh tawh a, tun tuma kangmei chhuak hi an state-in kangmei an tawrh tawh zawng zawnga rapthlak ber a la ni a, BeyGood Foundation hian L.A. Fire Relief Fund atan an sum thawh hi Instagram-ah an puang a ni.
Tun tum kangmei chhuak hi thli na tak, Santa Ana thli tleh lai a ni kher bawk nen, thelh hleitheih lovin hmun hrang hrangah a inmankai zel a, acres 38,000 (mel 60 bial vel) a tuam tawh a, chenna in pawh 12,000 chuang a kang chhe tawh a, mi 2,00,000 chuang chenna tur nei loin a siam tawh a, mi 24-in nunna an chan tawh bawk niin CNN cuan a tarlang a, mitthi hi an la pun belh zel an ring bawk.
New York Times chuan Altadena/Pasadena bikah pawh chenna in 6,500 chuang a kang chhia niin an tarlang a, veng thenkhat chu a veng pumin a kang niin an tarlang bawk.
He kangmei chhuak avanga chhiat tawkte chhawmdawlna tura thawhlawm thawh pawh an awm nual tawh a, BeyGood bakah hian Walt Disney Company chuan dollar maktaduai 15 an thawh thu an puang tawh a, Warner Music leh Blavatnik Foundation ten dollar maktaduai khat thawhin, Live Nation-in chhiat tawkte tanpuina tur vehbur khawnna concert January ni 30 ian Intuit Dome, Inglewood-ah FireAid benefit concert buatsaih an tum bawk.
He kangmei chhuak avang hian musician leh entertainment industry-a mi langsar tak tak te pawhin an chenna in an chan nual a, chung zingah chuan including Mandy Moore, Paris Hilton, Beyoncé nu Tina Knowles, Jhené Aiko, Paris Hilton, songwriter Diane Warren, The Hills stars Spencer Pratt leh Heidi Montag, Hollywood star Mel Gibson te pawh an tel.