Beyonce-i’n ‘Renaissance World Tour’ a neih mek chuan dollar maktaduai 461 a lalut tling tawh a, hmeichhe zaithiam zinga tum khat tour atanga sum lalut tam ber record thar a siam. A hmaa he record siamtu chu Madonna niin, 2008-2009 a Sticky & Sweet Tour a neihah khan dollar maktaduai 411 a hmuchhuak thei a, he record hi Beyonce hian a rawn khum der tawh a, a tour kal mek hi October thlaah a zo dawn chauh a, tunah hian show vawi eng emaw zat a la nei leh dawn a, a sum hmuh pawh hi a la pung leh dawn a ni.
Beyonce hian ‘Renaissance World Tour’ a neih tur thu a puan hnu lawkah ngaihven a hlawh nghal hle a, May thla khan Forbes magazine chuan he tour atanga dollar tluklehdingawn 2 vel an hmuhchhuah theih an rin thu an lo tarlang tawh nghe nghe a ni.
Beyonce tour-ah hian concert ticket man a to talh talh a, chawhrualin ticket hi pakhatr dollar 700 man ang vel a ni a, hei bakah hian merchandise sales atangin Beyonce hian chanpual hraw tak a la nei bawk a ni.
Beyonce ‘Renaissance’ tour-in record a siam
