Bhopal gas tragedy: Ni 72 chhungin then phalna pe

Bhopal gas tragedy: Ni 72 chhungin then phalna pe
Madhya Pradesh High Court chuan Ningani khan an state sorkar chu hluihlawn tawh, Union Carbide factory, Bhopal-a bawlhlo bawlhhlawh (chemical waste) then fai phalna a pe a. Pithampur plant thian tur hian hal ral chhinna kalpuiin harsatna a thlen loh thu pawh a sawi.
Dhar district-a kum 40 chuang kal tawha plant hluihlawn tawha hnawk hi ni 72 chhunga thian fai turin Chief Justice S K Kait leh Justice Vivek Jain-a te awmna division bench chuan a ti a ni. Sorkar hian ni 72 chhunga then fai a lo dil tawh a ni.
Pithampur khuaa pawlte chuan then fai hi an duh lo vam sorkar hian an affidavit thehluhah thian fai tura enchhinna an kalpui a hlawhtling a, buaina dang engmah a thlen lo niin an sawi a ni.
Court hian sorkar hi himna tura tul ang zawng zawng ti chunga then a phalsak ta a. June 30-ah an thiltih dan thlen leh turin a ti bawk tiin petition thehluttu, Alok Pratap Singh-a aiawha ding advocate Naman Nagrath chuan a sawi.
Singh-a hian kum 2004 khan kum 1984-a Union Carbide factory-a boruakalhthei put vak avanga chhiatna thlenga chemical waste then fai tur hian petition thlen.
February 18 khan high court chuan state sorkar hi Pithampur-a thawh thumin then fai enchhin turin a ti.
Additional Advocate General Harpreet Singh Ruprah chuan bawlhhlawhte hi mi thiam awmna committee-in a enpui chungin darkar khatah kg 270 zela hal ral tura tih a ni tih PTI a hrilh.
Hnawm hal ral hian chawlhkar khat vel a awh dawn a, a bak tihfai zawng zawng nen ni 72 chhunga tihfel vek tura tih a ni tih a sawi.
January 2 khan bawlhhlawh ton 337 chu an khawpui atanga km 250 chuanga hla, Pithampur-a mi mal bawlhhlawh tihralna company-ah phurh thlen tawh a ni.
December 2 leh 3, 1984 khan pesticide siamna, Union Carbide atang hian boruak hlauhawm tak, Methyl Isocyanate a put a. Mi 5,479 vel thi awmin mi sang tel pianphunga rualbanlo leh hrisel lohna hrang hrang an neih phah a, khawvel huap pawha industry-a chhiatna thleng rapthlak ber a ni phak.
A bawlhhlawhte Pithampur-a phurh thlen a nih hnuah khan tual chhunga khawtlang hruaitute chuan tihral a nih chuan vantlang hriselna leh khuarel thil a tichhe dawn niin an sawi a. Mi thenkhatin high court-ah an thlen zui.
Tunah hian state sorkar chuan him taka kalpui turin phalna a nei ta a ni.