Bhutan ramriah check-post hawng
India leh Bhutan ramri-a Integrated Check Post (ICP) hmasa ber chu ningani khan Assam-a Darranga-ah hawn a nih thu official ten an sawi.
Assam Larsap Lakshman Prasad Acharya chuan ICP hi hawngin, he hunah hian Bhutan prime minister Dasho Tshering Tobgay pawh a tel a ni.
ICP Darranga hi acre 14.5 a zau niin, India leh Bhutan ramri atanga meter 700 vela hlaa awm a ni a, office complex, parking area, loading leh unloading zone, weighbridge, warehouse leh official te chenna tur hmun siamsak a ni bawk a ni.
Land Port Authority of India siam a ni a, hemi hmunah hian hnathawkte puitu tur ruahmanna felfai leh tha tak awmin, engkim changtlung taka kalpui tum a nih thu official te chuan an sawi.
He lai ICP hawn tak hi India leh Bhutan inkar tihthat lehzualna tur a nih mai bakah, Bhutan lamah hian sumdawnna hmun lian leh ngelnghet tak tak a hnaih hle a, hei hian ram pahniha chengte insumdawntawnna kawngah a pui hle rin a ni bawk.
Bhutan ramriah check-post hawng
