Bihar Chief Minister Nitish Kumar chuan kumin furpuia a hloh nasat em avangin Himachal Pradesh sorkar hnenah Rs 5 crore a pek tur thu a sawi. Kumar hian Himachal Pradesh Chief Minister Sukhvinder Singh Sukhu hnenah lehkha thawnin harsatna leh buaina an tawhah a tawrhpui takzet thu a hrilh a ni.
Kumin furpuiah Himachal Pradesh chuan harsatna tam tak tawkin ruahsur nasa, tuilian leh leimin nasa tak avangin nunna chan 400 chuang awmin chenna In 13,000 tihchhiatin a awm a ni.
Himachal Pradesh state sorkar chuan furpui avanga state in a hloh chu Rs 12,000 crore hu vel tiin a sawi a.
“Himachal Pradesh a ruahsur nasa leh kumin furpui kaihhnawiha nunna chan leh tihchhiat tam tak awm chu a pawi ka ti takzet a ni. A tuartu leh nunna chan chhungkua te ka tawrhpui takzet a. Chief Minister Relief Fund-ah Bihar chuan chhawmdawlna hna thawh nan Rs 5 crore a pe a ni,” tiin Kumar chuan a sawi a ni.
Bihar CM-in Rs 5 crore Himachal pe
