Chief Minister Nitish Kumar chuan Cabinet chuan Bihar special category status-a dah a nih theih nan resolution an pawm fel thu a sawi a. Bihar tan special status an ngiat nawn leh thu a sawi.
“Cabinet meeting neihnaah Bihar special status a dah a nih theih nan rawtna Centre-ah thlen ni se kan ti a. Bihar mipuite ngaihtuahin Central sorkar hian Bihar hi special status pe nghal rawh se,” tiin Kumar chuan a sawi a.
Kumar chuan he scheme hi kalpui a nih theih nan Rs 2.50 lakh crore vel mamawh a ni ang a ti bawk.
“Sum tam tak a nih avangin kum nga chhunga atan ruahmanna siama ni a. Central sorkar in Bihar special state status a pe a nih chuan hun rei lo te hnuah kan thawk hlawhtling thei ang,” tiin Kumar chuan a sawi bawk.
Bihar Chief Minister chuan kum 2010 a\angin a ngiat tawh thu sawiin 24 November 2012 pawh khan Gandhi Maidan, Patna ah leh 17 March 2013 khan Ramlila Maidan, Delhi ah rally ka neih phah tawh a ti.
Khatih lai khan Congress sorkar chuan Manmohan Singh sorkar chu a lo khak nghek tawh bawk a.
“Kan ngiatna avangin Central sorkar chuan Raghuram Rajan Committee a din a, report pawh September 2013 khan tihchhuah a ni a. Tichung chuan Central srokar chuan engmah a ti duh lo a ni. May 2017 khan Central sorkar hnenah special status kan ngiat leh a ni,” tiin Kumar chuan a sawi bawk.
Hei bakah hian caste-based survey State a an neih dan sawiin chumi avanga Bihar-a reservation pun dan a sawi bawk a.
“India ramah a \um khat nan caste-based survey chu Bihar-ah neih a ni a. Social, economic leh educational status data caste-based survey kan neih a\angin reservation limit chu 65% ah tihsan a ni. Economically weaker tena ten percent an neih chu a awm reng tho dawn bawk a. Chungte nen chuan reservation hi 75% ah a sang tawh a ni,” tiin Kumar chuan a sawi bawk.
Bihar-in special status ngiat nawn leh
