Bihar inthlan ngaihnawm hle turah ngai

Rohini Acharya, Singapore-a awm Rashtriya Janata Dal (RJD) chief Lalu Prasad fanu chu Lok Sabha inthlan thawh ngana Bihar a neih tura candidate zinga hausa ber niin a rosum hlut zawng chu cheng vbch 36 crore a ni.
Acharya tih lohah chuan Congress candidate Ajay Nishad (Rs 29 crore) leh BJP candidate Raj Bhushan Choudhary (Rs16 crore) Muzaffarpur seat inchuh turte chu hausa ber an ni bawk.
May 20-ah constituency panga- Saran, Hajipur, Muzaffarpur, Madhubani leh Sitamarhi ah inthlanna awm dawnin candidate 80 te chu tlin ngei tumin an inchuh dawn a. Contestant zingah 13 te chu criminal case turu tak nei niin thiam loh chantir an nih chuan kum nga aia rei vek tang thei tur an ni a, 15 dang te pawh criminal case nei an la awm bawk a. Candidate pathumte chu crime against women case nei an ni a, an zinga pakhat chu pawngsual thubuai nei niin panga te chu tualthah thubuai nei an ni thung. Candidate 80 zinga pariatte chu graduate professional an ni a, 14 chu postgraduate niin paruk te chu ziak leh chhiar thiam lo niin matriculate pakua leh graduate 17 an awm bawk.
Saran hi RJD hmunpui ni thin niin Lalu Prasad pawh tum thum a tlin tawhna a ni a. Kum 1977-79 khan Chhapra seat-ah Janata Party ticket hmanga thlan tlin a ni a. A hnuah Sonepur atangin Assembly election-ah a tling leh a, hengte hi Saran huam chhung vek a ni a. Kum 1989 khan MP ni lehin mahse 1990 khan Chief Minister a nih vangin a bang a. Kum 2009 khan Saran atanga in candidate in Lok Sabha inthlanah a tling a. Mahse a nupui Rabri Devi chuan BJP candidate Rajiv Pratap Rudy lakah seat a hloh thung.
Kum 2019 khan RJD te chuan Lalu fapa Tej Pratap Yadav puzawn thin Chandrika Rai chu an dintir a, mahse, Rudy a hneh chuang lo. Kumin inthlanah Tej Pratap nupui hlui chuan Rudy a thlawp zawk a, RJD te chuan Acharya an dintir thung. Saran ah hian Yadav leh upper caste Rajput te an inzat vela ngaih niin Yadav te chuan Lalu Prasad an vote tlangpuia Rajput te chuan Rudy an thlawp thung.
Hajipur (reserved) seat ah Lok Janshakti Party (Ram Vilas) leader Chirag Paswan leh RJD candidate Shiv Chandra Ram te an inkhing dawn a. United Lok Janshakti Party (LJP) dintu Ram Vilas Paswan khan Hajipur ai tum riat lawih a awh a. Kum 2019 khan Paswan chuan a nau Pashupati Kumar Paras a dintir a, a chak tho bawk.
Chirag chu Bihar-a reserve seat tho Jamui atangin thlan tlin a ni tho va. Mahse, a kum lehah Ram Vilas Paswan October 2020 a a thih hnuah LJP chu keh zuiin Chirag kaihhruai LJP (Ram Vilas) leh Paras kaihhruai Rashtriya Lok Janshakti Party te a piang ta a ni. BJP tena Bihar-a Chirag nena thawhho thutlukna an siam lai khan BJP kaihhruai Union cabinet-ah Paras chu minister ni lai a ni a. A hnuah Union Cabinet atanga bangin mahse BJP a thlawp thu a sawi thung a, a nephew Chirag tan erawh a la campaign lo.
Simarthi-ah sitting JD(U) candidate Sunil Kumar Pintu chu hnawl niin State Assembly Council party chairman Devesh Chandra Thakur, Chief Minister Nitish Kumar nena inhnimhnai tak chu dintir zawk a ni. RJD te chuan Arjun Ray an dintir thung a. Kum 2019 khan Pintu chuan Ray chu 2.5 lakh vote chuangin a hneh a. Sitting MP Pintu chuan BJP ticket a din a duh a, mahse, NDA arrangement hnuaih JD(U) te chan tura tih a nih avangin party te chuan Thakur an thlang ta a ni.
Madhubani ah BJP candidate Ashok Yadav chuan kum 2019 khan Vikashil Insaan Party (VIP) candidate Badri Kumar Purbey chu 4.5 lakh vote chuangin a hneh a. Mahse, kumin inthlanah Mahagathbandhan te chuan Yadav khing tur hian Mohd. Ali Ashraf Fatmi (RJD) chu an dintir thung.
Muzaffarpur ah chuan BJP candidate Choudhary leh Congress candidate Nishad te chu inkhing ber tur an ni a. Kum 2019 khan Nishad chuan BJP ticket in Choudhary, khatihlaia VIP ticket a ding chu a hneh a. Kuminah BJP te chuan Nishad hi an hnawl hnuah Congress party a zawm a ni.