Bike chetsualnaah pahnih thi

June 15 khan Khawzawl khua mi pahnih chu Teikhang leh Ngopa inkar khamah bike-in an chesual a, a hmunah an thi.
Thudawn danin, vanduaina tawkte hi K Lalthathanga (52) s/o Lenzula (L), Khawzawl Vengthar leh Lalramchhana (32) s/o R Lalremthanga (L) Khawzawl Dinthar Veng an ni a. K Lal\hathanga fapa hi Teikhang ramah tanky siamin a inhlawh a, lui kal paha a fapa tlawh turin tunkar Thawhlehni khan Khawzawl atangin a fapa hnathawhna hmunah hian an kal a; Nilaini khan a fate hnathawh hlanin K Lalthathanga hi he hmuna lui kal tura awm ve tho Lalramchhana nen mamawh lam turin bike-in an chhuak nia rin a ni. A tuk Ningani thlengin an riahbukah an kir tak loh avangin an zawng zui a, rei tak an zawn hnuah Ningani chawhnu dar 2.00 vel khan Teikhang leh Ngopa inkar, Teikhang atanga km.8 vela hla kawngsirah chapal khing hmuh a ni a, hemi atang hian an chesual tih hi hria in, kawngthlang khamah an ruang an hmu ta a ni. An chetsualna hmun hi kham awih tak niin, meter 200 vela thuiah an thla thla a ni.
Chetsual thu hriat a nih hian Teikhang khawtlang chuan chetsualna hmun hi panin Ningani tlai dar 5:00 vel khan an ruang leh bike hi an lachhuak a, Teikhang YMA-in kuang an siamsak hnuah Khawzawl panpui an ni.