BY Ruatfela Nu
Manipur buaina chhuah chhan hi chhan hrang hrang tam tak a awm ang a, a chhan lian ber nia lang chu ram neitu nihna (land ownership) inchhuhsak thu a ni tih kan hre vek awm e. Environment leh Indigenous Rights Activists ten “Forest Conservation, (Amendment) Bill, 2023 en chhinna” ti tein chanchinbu lamah an lo tial nuk tawh reng bawk a.
FCA Bill draft hi Ni 20.7.2023 khan Parliamentary Joint Committee-in a ngai ngaiin an pawm tawh a.
FCA, 1980 ah kha chuan forest area te non-forest activities atana hman an nih dawn chuan phalna leh remtihna lak tur leh paltlang ngai tam tak a awm a. Kan hriat angin kan hmuh leh hriat angin Mizoramah pawh a khirh talh a nih hi.
A vei mi ten he danin a nghawng tur an sawi zingah hmarchhak state ho hi nasa takin min nghawng dawn thu an sawi nasa a. An concern an sawi zinga a pawimawh thenkhat te:
i) Forest area zau tak tak te non-forest activity atana hman a awlsam bakah private corporation te tana hman a awlsam lutuk tawh dawn a, hei hian tribal te land ownership a sawi danglam viau thei.
ii) He bill hian tuna FCA, 1980 hnuaia forest land humhalhna khauh tak chu a hnuaia point atan hian blanket exemption a pe a ni.
iii) International border te, line of control, line of actual control atang100 kms huam chhunga ram te chu “construction of strategic linear projects of national importance and concerning national security atan hman theih a ni” tih a ni. Chu chu kan ralkhel dar tur chu a ni.
Eng tin maw?
Mizoram zawng zawng hi chu mi chuan a huam tel a ni.
Constitutional Provision thenkhat Article 371 series leh 6th Schedule ten hmarchhak tribal mite min huam mahse he bill an pass chuan indigenous mite kan chep viau bakah kan land rights a nghawng nasat viau a rinawm an ti a ni.
Chuvangin, kan beih nasat a ngai. Mimal leh Kohhran pawl tinte kan tawngtai nasat a ngai. Sipai an rawn inchhawp rup ang a, kan ram ngaw tam zawk hi cantonment area-ah a chang vek ang a, kan ram mawina leh khuarel finna, kan pi pute ata venga kan chhawm zawng zawng hi vaiin a bo duak dawn a ni.
Note: He thu hi FC(A) Bill 2023 Lok Sabha-in a pass hma nia ka ziak a ni a, BJP sawrkar hian NE mi leh Tribal kan nihna nuaibo vek a tumna a tihhlawhtlin mek zel hi dang thei lo mah ila, ka thisen far tawp thlengin kan ram leilung leh a hausakna Pathian min pek humhim tur ka bei ang