Billboard 200-ah BTS ‘ARIRANG’ a la No.1

Billboard 200-ah BTS ‘ARIRANG’ a la No.1
K-pop supergroup BTS comeback album ‘ARIRANG’ chu akar hnih nan Billboard 200 (US albums) chart-ah a No.1 a, BTS album e chart-a No.1 ni rei thei ber a la ni. ARIRANG hi an No.1 album pasarihna niin, an No.1 album dang paruk te chu chart-ah hian kar khat theuh an No.1 a ni. Hetihrual hian Ye, Melanie Martinez lehYeat te pawh top 10-ah an debut.
Billboard 200 chart hi kar khat chhunga US-a album hralh tam atanga tehin chart ranking siam thin a ni a, album hralh zat chhut nan hian album tak tak hralhna bakah streaming leh album-a hla a mala hralhna atanga album tlukpui te belhkhawm thin a ni.
BTS ‘ARIRANG’ hi kar khat chhungin US-ah 1,87,000 an hralh leh a, chung zinga 1,14,000 chu album tak tak hralhna niin, streaming atangin 65,000 (on-demand official stream maktaduai 68.49) leh hla mal hralhna atangin 8,000 a tling thei bawk. He album hi an tlangzarh atanga kar khat chhungin US-a 6,41,000 hralhin, kar kalta chart No.1-ah a rawn debut kha a ni a, tunah a kar hnih nan chart-ah a No.1 leh ta a ni.
Ye album thar ‘BULLY’ chu 1,52,000 hralhin No.2-ah a debut a, 96,000 chu streaming (on-demand official stream maktaduai 98.43) niin, album tak tak hralh chu 56,000 a ni a, hla mal hralhna erawh chhiar tham a ni lo.
Ye hian chart-a top 10 kai thei album 14 a nei tling ta a, a vaiin chart top 2 an la kai thei vek a ni. He album hi March ni 27 khan a physical albvum (CD, vinyl leh cassette) a tlangzarh a, March 28-ah digital retail leh streaming services-ah a tichhuak leh a, March 28-ah hian he album-a hla ‘FATHER’ featuring Travis Scott music video a tichhuak nghal bawk. He music video hi Ye ngaihzawng, Bianca Censori direct a ni nghe nghe.
Malanie Martinez album thar ‘HADES’ chu 84,000 hralhin No.3-ah a debut a, he chart top 10-a album lang thei palina niin, a album dang PORTALS (No. 2, 2023), K-12 (No. 3, 2019) leh Cry Baby (No. 6, 2015) te top 10-ah a lanpui tawh bawk.
Chart No.1 hlui Morgan Wallen “I’m the Problem” chu 76,000 hralh lehin No.3 atangin No.4-ah a tawlh. Yeat album thar ‘ADL’ chu 57,000 hralhin No.5-a a debut a, he chart top 10-a lang thei album pasarih a neihna a ni.
Luke Combs “The Way I Am’ chu 55,000 hralh lehin No.2 atangin No.6-ah a tawlh a, Olivia Dean “The Art of Loving” chu 54,000 hralh lehin No.6 atangin No.7-ah a tawlh a, top 10-a lang dang zawng chu chart No.1 hlui vek niin, Don Toliver ‘OCTANE’ chu 53,000 hralh lehin No.5 atangin No.8-ah a tawlh a, Bad Bunny ‘DeBi TiRAR MaS FOToS’ chu 50,000 hralh lehin No.7 atangin No.9-ah a tawlh a, Harry Styles ‘Kiss All the Time. Disco, Occasionally’ chu 48,000 hralh lehin No.4 atangin No.10-ah a tawlh ta bawk.