Billboard 200-ah Morgan Wallen “I’m the Problem” kar 7 a No.1 ta
Morgan Wallen album “I’m the Problem” chu Billboard 200 (albums) chart-ah a No.1 a, he chart-a kar sarih a No.1-na a ni ta. Hetirual hian Lorde, KATSEYE leh Russ te pawh top 10-ah an debut, Playboi Carti chu top 10-ah a rawn lang ve leh ta bawk.
Billboard 200 chart hi kar khat chhunga US-a album hralh tam dan aanga tehin chart ranking siam hin a ni a, album hralh zat chhut nan hian album tak tak hralhna bakah streaming aanga album hralhna tlukpui leh album-a hla, a mala hralhna aanga album tlukpui te belhkhawm hin a ni.
Morgan Wallen “I’m the Problem” hi 1,73,000 hralh lehin, chung zinga 1,64,000 chu streaming aanga album tlukpui (on-demand official stream maktaduai 215) niin, album tak tak hralh chu 7,500 a ni a, album-a hla a mal a hralhna aangin 1,500 a tling thei bawk.
Lorde album thar ‘Virgin’ chu 71,000 hralhin, No.2-ah a debut a, chung zinga 42,000 chu album tak tak hralh niin, streaming aangin 29,000 (on-demand official stream maktaduai 37.07) tlingin, a mal a hla hralh erawh belh tham a awm lo.
‘Virgin’ hi Lorde album he chart top 10-a lang thei palina niin, a album pali te hi top 5-ah an debut thei vek a, a album hmasa ber ‘Pure Heroine’ chu 2013 khan No.3-a a debut a, 2017-a a album ‘Melodrama’ chu No.1-ah debut-in, 2021-a a album ‘Solar Power’ chu No.5-ah a debut thei bawk.
KPop Demon Hunters soundtrack chu 62,000 hralhin, No.8 aangin No.3-ah a invawrh a, 56,000 chu streaming aanga album tlukpui (on-demand official stream maktaduai 77.42) niin, album tak tak hralh chu 4,500 a tling a, hla a mal a hralhna aangin 1,500 a tling thei bawk. He album hi kuminah chuan he chart-a soundtrack thleng sâng thei ber a la ni. KPop Demon Hunters hi June ni 20 khan Netflix-ah an tichhuak an a, hemi rual hian a soundtrack pawh an tlangzarh nghal bawk.
KATSEYE album pahnihna ‘BEAUTIFUL CHAOS’ chu 44,000 hralhin No.4-ah a debut a, chung zinga 3,000 chu album tak tak hralhna niin, streaming aangin 14,000 (on-demand official stream maktaduai 21.36) a tling a, hla a mal a hralhna chu chhiar tham a ni lo. He album, hla panga awmna hi KATSEYE album chart top 10-a lang thei hmasa ber a ni.
Karol G ‘Tropicoqueta’ chu 40,000 hralh lehin No.3 aangin No.5-ah a tawlh a, chart No.1 hlui Morgan Wallen ‘One Thing at a Time’ chu 40,000 tling lo deuh hralh lehin No.5 aangin No.6-ah a tawlh a, chart No.1 hlui SZA ‘SOS’ chu 39,000 hralh lehin No.4 aangin No.7-ah a tawlh a, chart No.1 hlui, Playboi Carti ‘MUSIC’ chu 35,000 hralh lehin No.28 aangin No.8-ah a invawrh tharleh a, he album hi a vinyl an tlangzarh thar avangin hralh a kal thar leh a ni. Chart No.1 hlui Sabrina Carpenter ‘Short n’ Sweet’ chu 33,000 hralh lehin No.6 aangin No.9-ah a tawlh ve ta bawk.
Chart top 10 khartu chu Russ album thar ‘W!LD’ niin, 32,000 hralhin No.10-ah a debut a, chung zingah 25,000 chu album tak tak hralhna niin, streaming aangin 7,000 (on-demand official stream maktaduai 9.15) a tling thei bawk. ‘W!LD’ hi Russ album he chart top 10-a lang
Billboard 200-ah Morgan Wallen “I’m the Problem” kar 7 a No.1 ta
