Billboard 200-ah Tyler, the Creator ‘CHROMAKOPIA’ a la No.1

Billboard 200-ah Tyler, the Creator ‘CHROMAKOPIA’ a la No.1
Tyler, the Creator album ‘CHROMAKOPIA’ chu Billboard 200 (albums) chart-ah a No.1 a, he chart-a kar thum a No.1-na a ni ta, a album tlangzarh tawh zinga he chart-a kar thum No.1 tling thei hmasa ber a ni. Hetihrual hian TOMORROW X TOGETER album tar ‘The Star Chapter: SANCTUARY’ pawh No.2-ah a debut.
Billboard 200 chart hi kar khat chhunga US-a album hralh tam dan atanga tehin chart ranking siam thin a ni a, album hralh zat chhut nan hian album tak tak hralhna bakah streaming atanga album hralhna tlukpui leh album a hla mal hralhna atanga album tlukpui te belhkhawm thin a ni.
‘CHROMAKOPIA’ hi kar khat chhungin US-ah 1,04,000an hralh leh a, chung zinga 76,000 chu streaming atanga album hralhna tlukpui (on-demand official stream maktaduai 106.87) niin, album tak tak hralh chu 28,000 a ni a, hla mal hralhna chu chhiar tham a ni lo.
K-pop group TOMORROW X TOGETHER album thar ‘The Star Chapter: SANCTUARY’ chu 98,000 hralhin No.2-ah a debut a, 95,500 chu album tak tak hralhna niin, streaming atangin 2,500 (on-demand official stream maktaduai 3.74) a ni a, hla mal hralhna chu chhiar tham a ni lo.
‘The Star Chapter: SANCTUARY’ hi an album he chart top 10-a lang thei parukna a ni a, kumina he chart top 10-a lang thei album pahnih an neihna niin, April thla khan an album dang ‘Minisode 3: TOMORROW’ chu No.3 a lo kai tawh bawk.
Chart No.1 hlui Sabrina Carpenter ‘Short n’ Sweeet’ chu 68,000 hralh lehin No.2 atangin No.3-ah a tawlh a, Gracie Abrams ‘The Secret pf Us’ chu 52,000 hralh lehin No.5 atangin No.4-ah a insawn a, Billie Eilish ‘Hit Me Hard and Soft’ chu 48,000 hralh lehin No.7 atangin No.5-ah a insawn ve leh ta bawk.
Chappell Roan ‘The Rise and Fall of Midwest Princess’ chu 47,000 hralh lehin No.6-ah bawk a la awm a, chart No.1 hlui Morgan Wallen ‘One Thing at a Time’ chu 43,000 hralh lehin No.10 atangin No.7 a kai thar leh a, chart No.1 hlui bawk Taylor Swift ‘The Tortures Poets Department’ chu 43,000 tling lo deuh hralh lehin No.9 atangin No.8-ah a insawn leh hret a, Rod Wave ‘Last Lap’ chu 38,000 hralh lehin No.8 atangin No.9-ah a tawlh a, Noah Kahan ‘Stick Season’ chu 33,000 hralh lehin No.14 atangin No.10 a kai thar ve leh ta bawk.