BTS hla hit ‘SWIM’ chu Billboard Global 200 chart-ah a No.1 a, he chart-a kar li a No.1-na a ni ta. Hetihrual hian Justin Bieber hla hlui ‘Beauty and a Beat” chu top 5-ah a rawn invawrh a, Ella Langley “Choosin’ Texas”pawh top 5 a rawn kai ta bawk.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian kar khat chhunga ram hrang hrang 200 chuanga official-only stream (subscription leh ad-supported audio leh video music services) leh download sales te chu tehna pawimawh a ni.
BTS ‘SWIM’ hian kar khat chhungin stream maktaduai 73 leh download sales 22,000 nei lehin, hei hi a kar li nan chart-ah a No.1 pui leh ta a ni.
Tame Impala leh JENNIE ‘Dracula’ chu No.3 atangin No.2-ah a insawn a, Dominic Fike ‘Babydoll’ chu No.2 atangin No.3-ah a tawlh ve thung.
Justin Bieber “Beauty and a Beat” featuring Nicki Minaj chuan stream maktaduai 44.2 leh sales 3,000 neiin, chart No.4 a rawn kai a. He hla hian tun kar charting period hma kar khatah kha chuan stream maktaduai 10 pawh a nei tling lo. Mahse, Coachella-ah Bieber hian April ni 11 khan a perform a, Bieber hi Coachella-ah hian a chetha viau a, a hla hlui te pawh a rawn lar thar leh ta a ni. He hla hi 2012 khan Billboard Hot 100 (US singles) chart-ah No.6 te pawh a lo ni tawh a, Billboard Global 200-ah chuan top 10-a a lan vawi khatna a ni. Global 200 chart hi September 2020 atanga an kalpui tan chauh a ni.
Ella Langley hla hit “Choosin’ Texas”
Billboard Global 200-ah BTS “SWIM” a la No.1
