Zaithiam leh hlaphuah thiam Chappell Roan, kum 26, chu 2024 Billboard kum tawp chart-ah Top New Artists a ni. Chappell Roan hi kumin Billboard 200 (albums) leh Hot 100 (singles) chart-ah te pawh a rawn tlangnel nghal hle a, August thlaa a album hmasa ber ‘The Rise and Fall of a Midwest Princess’ a tlangzarh hi Billboard 200 chart-ah No.2 a kai a, Billboard Hot 100-ah a hla pasarih a lanpui thei a, chung zingah chuan ‘Good Luck, Babe!’ chu Hot 100 chart No.4 a kai thei nghe nghe a ni.
Billboard kum tawp chart Top New Artists category-ah hian Zach Bryan (2023), Latto (2022), Olivia Rodrigo (2021), Roddy Ricch (2020) leh Billie Eilish (2019) te an lo No.1 tawh bawk.
Chappell Roan hi a vawi khat nan Billboard chart-ah October 2023 kan rawn lang ve tanin, Emerging Artists chart-ah a lang a, 2024-ah ‘The Rise and Fall of a Midwest Princess’ album chu Billboard 200 (albums) chart-ah No.127 niin, June thla chawhnu lamah chuan chart top 10-ah a kai thei ta a ni.
Chappell Roan hi overall Top Artists ranking-ah chuan top 10-ah lang pha lo chiahin, No.11 a ni a, Female Top Artists-ah chuan No.5 a ni pha ve thung.
Billboard Top New Artist of 2024 – Chappell Roan
