Khawpui zanreh awm ve lohna an tih mai hi khawpui pawisa ngah tam berna a ni bawk e. New York City chu khawvela billionaire tam berna khawpui a ni a, he khua cheng billionaire te hausakna belhkhawm chu dollar trillion 3 chuang a ni. Trillion khat hi maktaduai hlir maktaduai (10,00,00,00,00,000) tihna a ni.
US finance hmunpui an tih mai, khawvela stock exchange lian pahnih awmna ni bawk New York City-ah hian billionaire 101 an awm niin Forbes chuan an tarlang a, millionaire phei chu 3,40,000 chuang an awm! He New York khawpui a chengte hausakna belhkhawm hi G20 ram tam zawk te hausakna ai pawhin a tam zawk!
New York khawpuia billionaire 101 an awm bakah a thenawm lawk Long Island leh Connecticut-ah te pawh mihausa tawntaw thahnem tak an awm ve leh bawk a, Greenwich, Great Neck, Sands Point leh Old Westbury te nena belhkhawm phei chuan billionaire hi 120 lai an nei pha a ni.
Khawpui billionaire tamnaah hian New York hi Hong Kong, Beijing, Shanghai, London, Moscow, Mumbai, Shenzen, Singapore, Delhi leh San Francisco ten an dawt a ni.
Billionaire tam berna New York
