Mizorama inthlanpui neih turah BJP chuan a thawhkhatna atan an candidate tur 23 an puang.
Nilaini khan bial 23-a candidate tur an puang a. A dang pawh la puan belh thei an ni tih an sawi. BJP Mizoram State president Vanlalhmuaka chuan tun inthlanpuiah hian a mala sawrkarna an siam pha lo a nih pawhin, sawrkarah chuan an tel ngei dawn a, chumi tur chuan central-a an hotuten theihtawp an chhuah dawn tih a sawi. Sawrkara tel ngei tur thu puang ngam awmchhun an ni tih a sawi bawk.
MNF sawrkar chuan a intiam ang a tihlawhtling lo nasa tih BJP State president hian a sawi a. PM Modi scheme hrang hrang chu thingtlang mipuiin a takin an chang a, BJP an ngaihdan a inthlak tawh a; mipui hmaa an thutiam tihlawhtling thin awmchhun leh a taka development kalpuitu an ni tih a sawi a ni.
Zawhna chhangin, PM Modi hmathlir leh ruahman ang tihlawhtling thei tur party chu Congress tih loh an thawhpui thei vek tih a sawi a ni.
BJP official candidate
1. Hachhek – Malsawmtluanga
2. Dampa – Vanlalhmuaka
3. Mamit – Lalrinliana Sailo
4. Serlui – Robinson Malsawmtluanga Hmar
5. Champhai North – PS Zatluanga
6. Hrangturzo – Lalmalsawma
7. Lunglei West – R Lalbiaktluangi
8. Thorang – Shanti Bikas Chakma
9. West Tuipui – T Lalengthanga
10. Tuichawng – Durjyan Dhan Chakma
11. Siaha – Dr K Beichhua
12. Palak – K Hrahmo
13. Lawngtlai West – JB Rualchhinga
14. Lawngtlai East – NC Muankima
15. Tuirial – F Vanhmingthanga
16. Kolasib – R Lalthangliana
17. Tuivawl – Judy Zohmingliani
18. Chalfilh – Dr Zonuntluanga
19. Aizawl North-III – Chawnghmingthanga
20. Aizawl South-I – Lalremsangi Fanai
21. Lengteng – B Suanzalang
22. Serchhip – K Vanlalruati
23. Lunglei South – Biaksialova