BJP chuan hnam leh chi thendarh zawnga hma la in, anmahni hamthatna atan ‘divide and rule policy’ an hmang tih AAP Mizoram chuan an sawi.
AAP Mizoram State president Andrew Lalremkima chuan BJP-in sawrkarna a chan theihna’n hmanraw hrang hrang a hmang a. Chu’ng zingah chuan hnam leh chi tlem zawkte vehthlemin hma a la thin a, chu chu Mizoramah pawh hman a tum mek tih a sawi. Manipur-a hnam leh hnam inkara buainaah pawh a bul chu BJP an ni tih evidence a awm tih sawiin, Mizoramah pawh hei hi nakina kan buaina la ni thei a nih avangin BJP hi zirchian a, hriatchian an ngai tih a sawi a ni.
Central-ah BJP-in sawrkarna a la chan avanga Mizoramah hlawkna hmuh tum leh, an ni zawm avanga hmasawnna nei tura inngaihna lian tak awma thu sawi an awm chu zahthlak an tih thu a sawi a. Central-a sawrkarna siam leh siam lohin Mizoram state sum dawn tur a tih kiam phah loh thu leh sum a dawn tur zat ngai reng tur thu an sawi.
Mizoram hmasawnna tur chu BJP-ah niloin, Lal Isua duh dan anga rorelna kalpui a ni zawk tih AAP Mizoram president hian a sawi a. BJP chuan India ram chu Hindu lalna ramah siam a tum mek tih an sawi.
BJP-in divide and rule hmang – AAP
![](https://theaizawlpost.org/wp-content/uploads/tap_logo-min-large.jpg)