BJP-in Grace-i thilpek hlan
India President-in kumin Independence Day lawmnaa President at Home-a tel tura a sawm bik mi 150 zinga tel Grace Lalrinpari Hauzel chu BJP Mizoram chuan chhuanawm an tiin, an ngaihhlut zia lantirna atan an chenna in Khatla-ah Nilaini khan lawmpuina thilpek an hlan.
Grace Lalrinpari hi kumin January khan New Delhi-a Viksit Bharat – Young Leaders Dialogue 2025 neihah ‘Youth representative of India’ thlan zingah a tel a, Mizoram district 11 atanga state level National Youth Parliament 2024 intihsiakah pakhatna a ni bawk. Winner of State Youth Parliament Festival 2024 leh Youth MP, Represented Mizoram in the Parliament during National Youth Parliament Festival 2024, Best Volunteer- North East NSS Festival 2024 Agartala-a neihah pawh lawmman a la tawh a, heti zat lawmman a la thei hi BJP Mizoram chuan ropui a tih thu a sawi a ni.
‘Grace Lalrinpari Hauzel hi Prime minister Narendra Modi team-in thalai, a hnathawhpui mifel tak tak a thlan chhuah zingah a tel hi kan chhuang takzet a, ram hmasawnna atana policy pawimawh taima taka zir thin mi a nihna leh ram tana thiamna a hmang tangkai thin mi a ni hi ropui kan ti a ni,’ BJP Mizoram chuan a ti.
Grace Lalrinpari Hauzel hian Pachhunga University College-ah BA final semester a zir mek a ni.
BJP-in Grace-i thilpek hlan
