Lok Sabha inthlan atana Delhi atanga Mizoram election incharge-a dah Devesh Kumar chuan BJP MP candidate Vanlalhmuaka chu thlantlin a nih chuan union minister a ni dawn tih a sawi.
Mizoram chhimlama an campaign-naah Devesh Kumar chuan, central-a sawrkar leh tur party BJP candidate thlantlin a nih chuan union minister a ni dawn a, he hun tha hi bawhpelh loa Mizoram hmasawnna tha kan hmuh theih nan vote theuh turin khawngaihna a dil tih a sawi a ni.
BJP candidate Vanlalmuaka chuan Chawngte ah campaign-in a kal fo tawh a, hmana kawng a chhiat anga vawiin thlenga a la chhe reng chu mak a tih thu sawiin, “Mizoram chhung vek ni si hi ram hmangaihtu inti state sawrkarin a ngaihthah thin hi a pawi hle a, MP atan min thlangtling a nih chuan kum khat chhungin he kawng chhe tak hi kan siamtha nghal ang tih min lo hriatsak turin ka ngen che u a ni,” a ti.
Hmarchhak state dang angin Mizoram chu thenawm state-te aiin hmasawnna lamah a hnufual tawh hle a, kan ram, kan hnam leh kan sakhua humhim chungin kan mamawh ang hmasawnna kan dawn theih nan vote hlu tak hmanga vote turin a sawm tih a sawi a ni.
BJP in thlantlin chuan Union minister ani dawn – BJP Election i/c
