BJP next target chu West Bengal a sorkar-na siam a ni : Amit Shah
Union home minister Amit Shah chuan pathianni khan West Bengal a chief minister Mamata Banerjee kaihhruai sorkar chu na taka sawiselin, hnam hrang hrang inchiahpiahna nasa lutuk leh ramdang atanga dan lova lutte enkawl nasaah a puh a, kum 2026 Bengal assembly inthlanah BJP chuan sorkar na siam ngei tura beihpui an thlak dawn thu a sawi.
Shah chuan, ‘He lai hmunah hian ka lokal a, thalaite chevel ka hmu bawk. Ramdang atanga dan lova lo lutte hi kan duh chuan kan titawp thei. Kan thalaite hi an ramah hi zalen takin leng rawh se, BJP chuan chu chu a taka chantir tumin 2026 inthlanpuiah hnehna chan kan tum a ni,’ a ti.
Amit Shah chuan Mamata sorkar chu RG Kar hmuna doctor zirlai thihna chungchangah pawh demin, ‘Vawiin thlenga lungawi lohna lantir an la awm hi sorkar inthlahdah vang a ni,’ a ti a. Hnathawhna hmuna hmeichhiate himna hi ngaihpawimawh a tul takzet thu a sawi bawk.
Tun tuma Amit Shah-a’n West Bengal a tlawh hi Lok Sabha inthlana sorkar-na an siam leh hnua a tlawh hmasak leh berna leh RG Kar buaina chhuah hnua a tlawh hmasak leh berna a ni a, duhthusam lo thil tam tak a hmuhchhuah thu a sawi bawk.
BJP next target chu West Bengal a sorkar-na siam a ni : Amit Shah
