Congress leader Rahul Gandhi chuan BJP sorkar chu mipuite ‘vau’ tia sawiin ram chhunga sorkar agency te ‘hmangsual’ tiin US a thusawina a neihah a sawi.
Santa Clara, California-a event a thusawina a neihah Gandhi chuan BJP leh RSS te chuan India rama politics instrument te an thunun tiin a sawi bawk a.
‘Bharat Jodo Yatra’ a neih hma in a hmaa politics-a hmanrua an hman reng thin te chu hmantlak a ni tawh lo tih a hrechhuak tiin a sawi a.
“BJP te hian mipuite vauin sorkar agency te an hmang sual a ni. Bharat Jodo Yatra kan neihna chhan chu mipuite nena inzawmna kan neihna hmanrua tinte chu BJP-RSS tena an thunun vek vang a ni,” tiin a sawi bawk a.
“Chu mai bakah politics thil taka chetlak a harsatna kan hmuchhuak bawk a. Chuvang chuan a nia India chhim tawp atanga Srinagar thlenga kea kan kalna chhan chu ni,” tiin a sawi bawk.
Gandhi chuan yatra an neih chuan inngainatna, inzahna leh inngaihtlawmna a keng tiin a sawi bawk.
“History kan zir a nih chuan spiritual leader tin – Guru Nanak Devji, Guru Basavanna ji, Narayana Guru ji te khan hetiang deuh chiah hian ram inlungrualtir an tum a ni,” tiin a sawi bawk.
Gandhi chuan India chu media a tarlan anga political narrative tihlarna lam nen inang lo tak a ni a, thil sawi danglamna nasa tak a awm a ni, a ti bawk a.
“Yatra kan neih laia ka chian tak em em chu media te thil sawi duh dan chuan BJP te a pui a ni. Hei vang hian media-a thil hmuh tinte hi thudik tihna a ni lo,” a ti bawk a.
“India hi media-in a lantir ang hi a ni miah lo. Media-te chuan thil tarlan duh bik an nei a. India rama thil thleng tarlan duh bik leh thlurbing bik an nei,” tiin a sawi bawk.
Rahul Gandhi hian US tour a neihah hian khawpui lian pathum a tlawh dawn a, chungahte chuan Indian diaspora leh American lawmaker te nen inkawmna an nei ang.
Kar kalta khan Indian Overseas Congress chairperson Sam Pitroda chuan Rahul Gandhi-an US a tlawh chuan ‘real democracy’ shared values leh vison te tihlar zel tumna tiin a sawi a ni.
BJP ten mipui ‘vau’ agency ‘hmangsual’ ti
