BLACKPINK hla thar ‘The Girls’

An tlangzarh hun tur an tikhawtlai deuh fê hnuah BLACKPINK chuan an hla thar ‘The Girls’ an tlangzarh ta a, hetihrual hian an music video, an band mobile app ‘The Game’ kheltu ten an en theih tur an tlangzarh nghal bawk.
May thla khan an lo vaw hot tan tawh a, niminpiah khan ‘The Girls’ hi an tichhuak ta chauh a, an group member Rose, Jisoo, Lisa leh Jennie te lem animated langin, a tak taka an lam dan angin an lam tir a, tunah chuan he video hi ‘The Game’-ah chauh en theih a la ni a, vawiin hian a digital single hi an tichhuak dawn a ni.
BLACKPINK member te hian ‘The Girls’ hi an YouTube channel-ah viewing party neiin a lawmna te an buatsaih a, group angin game chi hrang hrang an ti a, a huhoin an music video hi an en ho a, video-a anmahni lem che vel te chu an hmuhnawm ti takin an thlir a, Lisa chuan, “A choreo chu a cute tawp” a ti a, Rose chuan, “A takah khitiang khian kan ti thei ang em?” a lo ti ve bawk.