an thuchhuah siamin Israel nena palai hmanga inlaichinna an neih chu Israel-in Gaza Strip a beih avangin a chhu chat a, hetihlai hian Bolivia ram thenawm Colombia leh Chile te pawhin Middle East-a an palaite chu thil awm dan sawipui turin an kokir ve bawk.
South American ram pathumte hian Israel-in Gaza Strip a bei leh Palestinian khua leh tui thihna na takin an dem thu an sawi a ni. “Bolivia chuan Israel nena palai hmanga inthian thatna a neih chu a titawp a, hei hi Israel-in Gaza Strip-a sipai tha chakna hmanga nasa tak maia a beihna duh loh entirna leh demna avang a ni,” tiin Bolivian Deputy Foreign Minister Freddy Mamani chuan Press Conference-ah a sawi a ni. Ram pathumte chuan inkahhai puang turin an ngen a, Bolivia leh Chile te chuan he indona hmuna mamawh tanpuina pe lut chur chur turin an nawr a, Israel chu International Law bawhchhiaah an puh bawk a ni. Colombian President Gustavo Petro pawhin Israel beihna chu “Palestinian mipuite suatna” ti hialin a social media network X-ah a post a ni. Latin America ram dang Mexico leh Brazil te pawhin inkahhai puang turin an ngen ve bawk a. “Tun dinhmuna Gaza Strip phin darh vek duhna rilru put hi Israel Prime Minister rilru fim lohzia ti langtuah kan ngai,” tiin Brazillian President Luiz Inacio Lula da Silva chuan Zirtawpni kal ta khan a sawi a ni.
Bolivia hi October ni 7-a Hamas ten Israel an beih avanga Israel-in Gaza a beih letna duh loh avanga ram pakhatin Israel nena palai hmanga an neihna hlip hmasa ber a ni a.
Israel hian an puhnate hnawlin Iran puihnain Hamas te hian Gaza tuipui kam velah an inhumhim nan fighters, commanders leh weapons laka inven nan civil mite chenna building te chu an hmang a ni, tiin a puh ve thung a ni.
Bolivia-in Israel nena inlaichinna chhu chat
