Border trade la hnaih hmel loh
Sawrkar laipui lam sawi danin Mizoram khawthlang lam atanga Bangladesh nen leh Mizoram chhimlama Myanmar nena insumdawnna hmunpui dah hnaih theih a la ni lo.
Parliament Session neih mekah Union Minister of Commerce and Industry Anupriya Patel chuan Mizoram MP K Vanlalvena zawhna chhangin, Tlabung Kawrpui chhuaha Bangladesh nena insumdawn tawnna atan cheng vaibelchhe 552.25 ruahman a ni tih a sawi. Mizoram leh Bangladesh dawh zawmtu tur Kawrpui lui chunga lei dawhna tur detailed project report siam hna chu Bangladesh sawrkar kutah dah a nih thu leh Bangladesh-in DPR an la zawh loh thu a sawi a ni.
Lawngtlai to Paletwa kawngpui laih mek KMMTTP-a Mizoram leh Myanmar inrina hmun Zorinpuiah border trade centre din tumna a awm em tih Mizoram MP zawhna pawh Union minister chuan chhangin, kawngpui laih hna hi thawh mek a la nih chauh avangin Zorinpuiah border trade din tumna a awm rih lo tih a sawi bawk.
Border trade la hnaih hmel loh
