Dr B R Ambedkar Konaseema district, Andhra Pradesh-a ONGC pipeline atanga boruakalhthei put avangin a bul khaw pahniha chhungkaw eng emaw zat sawn chhuah an ni.
Boruakalhthei hi Mori leh Irusumanda khaw inkara pipeline atangin Thawhtanni chawhnu atang khan a put a ni.
Coconut hmunah niin a putna atanga kilometre chanve vela hlaah mihring an cheng tan a, nasa takin a kang bawk a. Hei vang hian thuneitute chuan Mori leh Irusumanda khuaa chengte hi an sawn chhuak a. Mihring thi leh hliam erawh an awm lo tih an sawi.
ONGC-in thuchhuah an siamah thuneituten kangmei chhuak leh boruakalhthei put hi tihtawp tumin an bei mek tih an tar lang.
“Well Mori#5-a boruakalhthei put a awm tih hi PEC Operator Deep Industries Limited, Mori Field-in -in a sawi a. Khur pawh mihring chenna atanga metre 500–600 vel daiha hlaa awm a ni a. A vel hi tlawhpawh theih loh tura khar niin tihtawp dan tur ngaihtuah nghal a ni a, ONGC chuan Crisis Management Teams (CMT leh RCMT) a tir chhuak nghal a ni,” an ti.
“Boruakalhthei put tihtawp tuma beih nghal a ni a, a tul a nih chuan a khur pawh chhin mai a ni dawn a. ONGC hi khawvel huapa hetiang lam thiam bik nena thawkho a ni a, ruahmanna siama thunun thiam bikte nen hma lak nghal a ni,” an ti a. ONGC-a management leh technical lama thiam bikten thil awm dan an ngaichangin an vil reng a, hmarua pawh a bul hnaiah chhawp a ni tawh tih an sawi bawk.
Hetih lai hian Andhra Pradesh sorkar chuan thil awm dan a ngaihven reng tih a sawi ve bawk a, Chief Minister N Chandrababu Naidu chuan district thuneitute leh police chu inring tura chahin kangmei chhuak pawh a kan zau zel lohna tura hma la turin a ti nghal.
Boruakalhthei put vangin khaw pahniha mite sawn
