Box office-ah ‘Venom 3’ a No.1
US President thlan zawha weekend-ah North America-ah cinema hall a thawl riau zel a, chu chu tunhma atanga thil nih thin dan a nih avangin Hollywood studio ten film thar an tlangzarh mang lo a, box office thawm pawh a reh deuh a, ‘Venom: The Last Dance’-in a thatpui ta ber a, a weekend vawi thumnaah North American box office No.1 a ni leh ta a ni.
‘Venom: The Last Dance’ hian tun weekend kalta khan North America-ah cinema hall ticket hralhna atangin dollar maktaduai 16.2 la lut lehin, tihian kar thum chhungin US-ah cinema hall ticket hralhna atangin dollar maktaduai 114.8 a la lut tling ta a, US pawnah dollar maktaduai 33 lak luh belhin, US pawna a lak luh zawng zawng dollar maktaduai 279.4 a tling tawh a, a vaiin dollar maktaduai 394.2 a la lut tling ta.
Kristianna behchhan film Best Christmas Pageant Ever-in dollar maktaduai 11.1 la lutin No.2 a ni. He film thar i Dallas Jenkins direct niin, 1972-a Barbara Robinson lehkhabu ziah behchhana chan niin, Judy Greer, Pete Holmes leh Lauren Graham te an chang.
Hugh Grant channa ‘Heretic’ pawh a ram pum huapin an tlangzarh ta a, dollar maktaduai 11.01 la lutin No.3 a ni a, tun kum 20 chuang chhunga Hugh Grant channa opening tha ber a la ni.
The Wild Robot-in dollar maktaduai 6.6 la lut lehin No.4 a la ni a, he film hian kar sarih chhungin US-ah dollar maktaduai 130.9 a la lut tling taw a, US pawna a lak luh nen chuan dollar maktaduai 292 a tlin ve tawh. ‘Smile 2’ pawhin dollar maktaduai 5 la lut lehin No.5 a la ni a, he film hian US-ah dollar maktaduai 60.5 la lut tawhin, US pawna a lak luh nen chuan dollar maktaduai 123.6 a tlin ve ta bawk.
Box office top 10:
1 Venom: The Last Dance $16,225,000
2 The Best Christmas Pageant Ever $11,100,000
3 Heretic $11,016,055
4 The Wild Robot $6,650,000
5 Smile 2 $5,000,000
6 Conclave $4,100,000
7 Anora $2,455,000
8 Here $2,425,000
9 We Live in Time $2,210,612
10 Terrifier 3 $1,470,356
Box office-ah ‘Venom 3’ a No.1
