Box office-ah “You Can See Everything” a No.1
Sapram lamah Halloween weekend anih avangin cinema hall lam pawh weekend dang angin a lûn lo deuh a hetiang karah hian Elizabeth Holmes documentary “You Can See Everything” chu North American box office-ah No.1 a ni a, he documentary hi Oscar lamah pawh thawm eng eng emaw chu nei tura rinkai a ni. Box office ranking hi kartawp (Zirtawpni – Pathianni) chhunga North America (a bikin US) a cinema hall ticket hralhna sum chevel atanga tehin siam thin a ni.
‘You Can See Everything’ hian tun weekend kalta khan US-ah dollar maktaduai 10.6 la lut lehin No.1 a ni a, tihian kar thum chhunga US-a a sum hmuh chu dollar maktaduai 63.8 a tling ta a ni.
James Watkin-a horror movie siam ‘Clayface’-in dollar maktaduai 10.4 la lut lehin, No.2-a la ni a, he film hian US-ah kar hnih chhungin dollar maktaduai 44.1 a la lut tling ta. Tom Rhys Harries leh Naomi Ackie te channa ‘Clayface’ hi dollar maktaduai 44 senga siam a ni.
Tun weekend kalta kha US-ah kumina weekend khata cinema hall sum chevel tlem ber tum a la ni a, dollar maktaduai 55.6 niin, chu chu weekend hmasa zawk nena khaikin chuan sum chevel hi 42.1 percent-in a tlahniam. Halloween weekend hi chu cinema hall sum chevel tlem tum a ni thin a, nikum Halloweed weekend-ah pawh cinema hall sum chevel hi dollar maktaduai 49 a ni.
Animated movie Wildwood-in a weekend vawi hnihnaah dollar maktaduai 7.5 la lut lehin No.3 a ni a, he film hian kar hnih chhungin US-ah dollar maktaduai 25.8 a lalut tling ta. He film hi dollar maktaduai 100 production budget a siam a ni a, hlep an nei pha dawn lo a nih hmel riau!
Ramantic fantasy film ‘Wicker’-in dollar maktaduai 4.1 la lut lehin No.4 a ni a, he film hian kar hnih chhungin US-ah dollar maktaduai 13.2 a la lut tling ta a, ‘Street Fighter’-in a weekend vawi thumnaah dollar maktaduai 3.2 la lut lehin No.5 a la ni a, he film hian US-ah dollar maktaduai 53 a la lut tling ta a, US pawna a lak luh nen chuan dollar maktaduai 91.9 a tlin ta a, a film siam nan hian production budger dollar maktaduai 82 a ni.
Box office Top 10:
1 You Can See Everything $10,600,684
2 Clayface $10,400,000
3 Wildwood $7,500,000
4 Wicker $4,125,000
5 Street Fighter $3,200,000
6 BTS World Tour ‘Arirang’ in Buenos Aires and São Paulo Live Viewing $2,800,000
7 Resident Evil $2,525,000
8 Other Mommy $2,500,000
9 The Only Living Pickpocket in New York $1,765,000
10 Heart of the Beast $1,615,000
Box office-ah “You Can See Everything” a No.1
