BP sang tana pumpelh tur te
BP hi en liam mai mai tur a ni lo, thil serious tak a ni. BP a sanna chhan hrang hrang a awm a chung zingah chuan stress leh nunphung leh chindan hrisel lo vanga BP hi a lang sar ner pawl a tling niin Times of India health section chuan a tarlang.
Mental health therapy hian stress a do let thei a, nundan leh chindan hrisel pawhin BP a control-in a tihniam thei. BP sang control nana tih tur leh tih loh ni a Sri Balaji Action Medical Institute-a senior consultant Dr. Arvind Agarwal-a’n Times Of India-a a ziah a te kan rawn tarlang dawn a ni.
Ei leh in lamah theirah leh thlaihnah, whole grain leh bawnghnute lam tel tam lohna te ei tam tur a ni. Sati sen (red meat) lam chi pumpelh hram hram tur a ni a, chini telna chi in tur thlum ho pawh pumpelh tur a ni. Arsa, sangha, nuts leh be lam chi te a ei theih bawk.
Ei leh in piah lama BP tihhniam nana tha chu physical fitness tih that hi a ni. BP sang nei tan chuan exercise lak hi tihmakmawh a ni a, kar khatah ni nga tal, nitin minute 30 ke-a kal (walk) tih ngei tur a ni a, elevator awmnaah pawh step-a kal zawk hram hram zel a tha.
Exercise lak danah finkhur ngai a awm a, gym-a kal thin emaw exercise laka nana gym kal tum thar tan hei hi hriat ngei a pawimawh, BP sang nei tan weightlifting exercise (rit chawi lama exercise lak) reng reng chu pumpelh tur a ni. Exercise i lak laiin i lu a hai emaw i nuam lo deuh emaw a nih chuan rang takin tawpsan nghal ang che.
BP sang tana pumpelh tur te
