Assam state chhunga Brahmaputra tuilian chuan Dibrugarh-ah chenna in 10 a la tawh niin tualchhung mite chuan an sawi.
Heng in a tihchhiatte hi Mothola huamchhunga mite niin, Dibrugarh bial chhunga mite an ni a, darkar 24 chhungin in 10 a la hman niin an sawi bawk.
Inrinni zing atang khan Brahmaputra tuilian hian a chim chin a san belh zel a, tuna chhiatna thleng pawh a mi chengte lo inthiarfihlim sa an nih avangin nunna chan an awm lo hlauh zawk a ni.
Tualchhung mite chuan tuilian hian a chim chin a san zel chuan chhiatna dang pawh a la thleng mai thei nia sawiin, theihtawpa an lo inralrin thu an sawi a, Assam sorkar chuan tanpuina tur a ruahmansak nghal bawk.
Heng tuilianin in a lak thenkhatte phei hi chu nghet tha tak takte an ni a, RCC a sakte pawh an ni hlawm. Mahse, tuilian hnuhma hi a nat em avangin him ngaihna a awm lo tih an sawi.
Brahmaputra tuilianin chenna in 10 a la
