Branch Golden Jubilee hmang
YMA Pukpui Branch Lunglei chuan Inrinni khan an kum 50 tlin, Golden Jubilee an lawm a. Bialtu MLA, Lunglei High Powered Committee (HPC) vice chairman V Malsawmtluanga’n a hmanpui.
Pukpui chu Lunglei tui lakna hnar Pialthleng awmna a nih angin tuihna siamtu ramngaw humhalhnaah tan la chhunzawm zel turin V Malsawmtluanga hian a chah a. Sawrkarin ram hmasawnna tur a ruahman zingah Pukpuia Health & Wellness Centre leh Kawmzawla Health Sub-Centre din turin hmachhawp a awm mek tih a sawi.
YMA Pukpui Branch hi 1974 April 15 khan din a ni a. Tunah hian member 926 awmin, section thumah an inthen. Golden jubilee lawmnaah hian thupuiah “Fai la, hrisel rawh” tih hmangin kumin April 15 khan an president hmasa ber H Doruma hoin an lo hawng tawh a. Infiamna chi hrang hrang hmanga section inelna buatsaihin, jubilee khar ni hian hnam lam, zai leh infiamna chi hrang hrang hmangin intihhlimna hun an hmang a. Tlaiah jubilee lawmna ruai an kil ho a ni.
Branch Golden Jubilee hmang
