Brazil chuan wild birds-ah te avian flu an hmuh nual avangin animal health emergency thlaruk chhung atan a puang a.
Espirito Santo state-ah Avian flu vei paruk hmuhchhuah niin Rio de Janeiro state-ah pawh hmuhchhuah a ni bawk.
Emergency puan a nih hian sorkar chuan inkaichhawn awlsam tak H5N1 virus darhzau zel tur awlsam zawkin a dan phah thei tura ngaih a ni a.
Brazil hi khawvela arsa thawnchhuak hnem ber ram niin kum khatah $10 billion dawn a thawnchhuak thin a ni.
Avian flu an hmuhna hi Brazil-a arsa tharchhuah lian ber ber atanga hmun hla tak erawh a ni thung a. Mahse, fimkhur thilah rang taka hmalakna kalpui nghal ngaia ngaih a ni thung.
Avian flu hmuhna farm-ah te chuan ar sang tam tak tihhlum ngei ngai a ni dawn bawk a, health emergency hi ni 180 atana puan phawt a ni.
October 2021 atang khan khawvelin bird flu nasa ber a tawng tawh a, hun dang zawng aiin wild birds te pawhin nunn an chan phah tam nia sawi a ni bawk a.
Scientists te chuan tuna Avian flu leng hian engtiang chiahin nge nghawng a neih dawn an la sawi thei lo va, mahse, World Organisation for Animal health (WOAH) te chuan ‘ransa hriselna leh thatna lamah a nghawng nasa dawn’ an ti thung.
World Health Organisation (WHO) pawhin H5N1 virus chu nasa zawka a darh zel loh nana hmalak ngai tinghal bawkin a insiam danglam zel chuan mihringa inkai theih leh mihring tan pawha hlauhawm thei a ni bawk.
Brazil-ah animal emergency puang
![](https://theaizawlpost.org/wp-content/uploads/2023/05/br-1.jpg)