Brazil ramah khawlum nasa zual zel

Brazil-ah chuan khawlum turu tak vangin khua leh khawpui 3,000 chuangah ‘red alerts’ tihchhuah niin tun anga khawlum an la tawng ngai lo.
Rio de Janeiro khawpuia hmun hrang hrangah temperature record siam niin hmun Thenkhatah phei chuan 52.50C te a kai hial a ni.
Khawlum hian mi maktaduai za chuang khawihin tun Zirtawpni thleng hi chuan khawlum lutuk hian a la tuam tura ngaih a ni bawk a.
Officials te chuan El Nino phenomenon leh climate change chu a chhanah an puh ber a.
Sao Paulo khawpuiah chuan temperature in 37.30C a hawlh hial tiin National Institute of Meteorology (Inmet) te chuan an sawi a.
“Ka chau takzet a, tawrh har tak a ni” tiin kum 22-a upa Riquelme da Silva chuan a sawi a. “In thlen veleh tuivawta inbual loh phei chuan engmah pawh a tih theih loh, ka chau em em a, mut pawh a har a ni,” tiin a sawi.
Kum 60-a upa street vendor Dora chuan khawlum lutuk chu pawn lama hnathawkte tan chuan ‘tawrhzawh rual loh’ tiin a sawi bawk a.
Inmet chuan Brazil hmun tam zawkah red alert tichhuakin temperature chuan ni nga chhung chu above average ah a awm dawna a lan thu sawiin chu chu mihring hriselna atan a hlauhawm an ti bawk.
Inmet research kar kaltaa tihchhuahah everage temperature chu July thla aTanga October thla chhung chuan above average-ah a awm reng an ti bawk a.
Scientists te chuan heatwaves te chu hmun tam takah a awh reiin a nasa tial tial a, hei hi mihring tena planet tilum zualtu greenhouse gases an pekchhuah tamin a thlen a ni an ti.
Kan chenna lei chu El Nino weather phase-in a nuai mek niin he tih hun chhung chuan global temperature a sang zual Thin a ni.