2023 Brit Awards chu February ni 11 khan O2 Arena, London-ah an sem a, Harry Styles a langsar ber a, award pali a dawng a, a award dawn zinga pathum chu Brit Awards-ah pawh an ngaihhlut ber ber te niin- album of the year, artist of the year leh song of the year te an ni a, pop/R&B act a dawng tel bawk. Wet Leg leh Beyonce te pawh award pahnih ve ve dawngin Styles an dawt ve thung. Kumin Brits-ah hian Styles leh Wet Leg te ian nomination pali ve ve neiin, nomination an ngah ber a, Styles hian nomination a neihna zawng zawngah award a dawng vek a ni.
Brit Awards hi British hoin rimawi khawvel award an sem niin, anni chuan Grammy tluk thaw thanga an ngaihhlut a ni. Kuminah Brit Awards hi comedian Mo Galligan-a’n a tum hnih nan host a, show darkar zenzawm an nei a, host hi a chesual zeuh a, Scottish zaithiam Lewis Capaldi hming a puang sual a ‘Sam Capaldi’ a tipalh hlauh mai a, a hnuah thupha chawiin, “He show-a an in tur sem te hi a tak thin mah mah tih hriatna a nih kha,” tiin a hlimawm zawngin boruak kalpui nan a hmang ta jeih a ni.
Award semnaah hian Harry Styles, Wet Leg, Sam Smith, Cat Burns, Lewis Capaldi, Lizzo, Stormzy leh David Guetta & Becky Hill & Ella Henderson te an perform a, nikum lama he award semnaah Adele performance clip ‘I Drink Wine’ an tilang zeuh bawk.
Harry Styles a che tha hle a, award ngaihhlut a dawng vek a, Brits leh Garmmy-a album of the year dawng kawp thei palina a ni. Styles hian tun kum thum chhungin song of the year tum hnih a dawnna a ni a, 2021 khan ‘Watermelon Sugar’ avangin he award hi a dawng tawh bawk a ni. Styles hian Brit Awards a dawn hmasak chu kum 11 liamta kha a ni a, One Direction member anga a dawn a ni.
Kumin award semnaah show hawngtuah tangin, a hla hit ‘As It Was’ a perform a, kuminah Grammy-ah khan he hla hi a perform tawh bawk a, mahse, khami tum khan technical lama til chiang lo awm avangin a performance kha a buai deuh a, tun tum erawh harsatna a awm ta lo. Styles chuan, “Zanin hi ka tan a special a, ka theihghilh tawh ngai lo ang,” tiin Mastercard album of the year a dawn pahin a sawi a, “Khawvel hmuha British artist ka ni hi ka inchhuang a ni,” a ti bawk.
Beyonce pawin international artist of the year a dawng a, he award-ah hian American dan pathum- Kendrick Lamar, Lizzo leh Taylor Swift te pawh nominate an ni a, anni bakah hian Nigerian superstar Burna Boy pawh nominate a ni. Beyonce hian a hla ‘Break My Soul’ avangin international song of the year a dawng a, he category-ah hian a American pui Lizzo’s “About Damn Time” leh Taylor Swift ‘Anti-Hero’ te pawh nominate zingah an tel.
Fontaines D.C.-in international group of the year an dawng a, Irish group zinga he award dawng thei pathumna niin, Irish group dang U2 (1988 leh 2001 inkarah tum nga an dawng) leh The Corrs (1999) te hnung an zui ve ta a ni.
Fans vote hmanga award dawng tur thlan dance act chu a kum zawnin Becky Hill-i’n a dawng a, ani chiah hi 2022-a fans vote hmanga award dawng tura thlan zinga kumina dawng leh awmchhun a ni. Fans vote category dang alternative/rock act chu The 1975-in an dawng a, hip hop, grime, rap act dawngtu chu Aitch a ni.
2023 Brit Awards dawngtute chu: Mastercard Album of the Year: Harry Styles, Harry’s House,
Song of the Year: Harry Styles, “As It Was,”
Artist of the Year: Harry Styles
Group of the Year: Wet Leg
Best New Artist: Wet Leg
Rising Star: FLO
Alternative/Rock Act: The 1975
Hip-Hop, Grime, Rap Act: Aitch
Dance Act: Becky Hill
Pop/R&B Act: Harry Styles
International Artist of the Year: Beyoncé
International Group of the Year: Fontaines D.C.
International Song of the Year: Beyoncé, “Break My Soul,”
Producer of the Year: David Guetta