BRTF kawng siam a tha lo
Central YMA Road Monitoring Committee member-te chuan Durtlang – Zanlawn BRTF kawng siam mek chu Lungdai khawtlang atanga sawiselna an dawn avangin Zirtawpni khan a hmunah an enfiah.
Kawng siam mek hi Lungdai Village Council, YMA leh NGO dangten a hmunah nitin an vil chungin, kawng siamtute hian tha tawk turin an thawk lo niin an hria a. An lungawi lohna chu, Central YMA Road Monitoring Committee hnenah an lo thlen. Hemi hnu hian BRTF leh contractor aiawhte koh niin, eng vanga kawng chu siamtha lo nge an nih tih an zawt a. An kawng siam tawh chu a hmunah enpuiin, a tha lo ngei a ni tih finfiah a ni.
Hmun thenkhata an kawng hnawh chu kut pawhin a khawh hlawk hlawk theih tih an sawi a. An kawng siam chhiat avang hian January 23 zingah ringawt pawh, lungthilah two wheeler pali an tluk phah hman tih sawi a ni.
8 Duhthusama thain hna an thawk chhunzawm tawh tur a ni.
8 Lungdai area-a an hnathawh tawh zawng zawng an nawr khawk leh vek anga, an siamtha leh ang.
8 Kawng siam chhunzawmna tur bitumen concrete truck trip 3 chu a dai tawh a, a hman tlak tawh loh a, an paih vek ang.
8 An kawng siam tawh sa hi sealcoating an ti leh vek ang.
BRTF kawng siam a tha lo
