Mamit Assembly biala independent candidate Lalramdingngheti chu tunhnaia video viral chungchangah returning officer VL Remliana chuan insawifiah tura a koh angin Zirtawpni khan RO office-ah a inlan.
Independent candidate Lalramdingngheti’n Bru hnamte hnena a thusawi chungchangah hnam leh hnam inkara inunauna tichhe thei zawnga ngaih theih a awm avang leh model code of conduct bawhchhiat theihna a nih avangin RO hian November 4 hma ngeia insawifiah turin a ko a. Hemi chungchangah hian Lalramdingngheti chuan chi leh chi, hnam leh hnam inkara inhmelmakna leh inunauna tichhe tur lam hawi zawnga sawi a nih loh thu sawiin, Pathianin Bru unaute chu Israel thlahte an nihna hrilhhriat ngaia a hriat avanga lo sawi palh a nih thu a sawi a. RO hnenah amah ngei inlanin ngaihdam dilin thupha a chawi a ni.
RO chuan tunhnuah hnam thila inlaichinna tichhe thei zawnga thu sawi tawh lo tur leh model code of conduct bawhchhiatna bakah India danpui palzutna a nih thu a lo hrilh a ni.
Bru-te hnena thu sawitu ind. candidate RO-in ko
