Tottenham Hotspurs an hneh loh tuma hnawhchhuah Bruno Fernanes chu hremna tuar zui lo turin a him a, United tan a inlan leh thei nghal dawn.
Pathianni zanah Old Trafford-a Manchester United leh Tottenham an inkhelh tum khan United Captain Bruno Fernandes chu Tottenham player James Maddison a tlawh vangin hnawhchhuah a ni. An mualah tlem zawk ni chunga inlan United hi si thum fai ngawtin an tlawm zui ta nghe nghe a nih kha. Kha game enkawltu Chris Kavanagh khan VAR rawn ngai ti lo khawpin a thutluknaah a confi viau nghe nghe a nih kha.
United chuan an captain hnawhchhuah a nih dan hi an khinglet a, uluk taka en ho a, sawi ho a nih hnuin Fernandes hi hnawhchhuah nghal tur khawpa dan bawhchhia niin an ngai ta lo a ni. United khinna a hlawhtlin tak vangin Fernandes hian hremna a tuar zui dawn lova, Europa League a FC Porto an hmachhawn hunah leh EPL-a Aston Villa an hmachhawn hunah a inlan zui thei dawn. An captain a inlan zui theih dawn vangin United lawm viau bawk mah se Tottenham laka an mualphona erawh nawh reh theih a ni tawh lo thung a, pawi tur zawng zawng a pawi zo vek tawh thung. He thu tlukna siam United tantute a tithinrim thar leh ngei ang!
Bruno Fernandes a him
