K-pop boy band BTS chuan March ni 21 khan Seoul, South Korea-a Gwanghwamun Square-ah comeback concert an nei a, he free concert hi tun kum li dawn chhunga band anga an perform lehna hmasa ber a ni a, an performce hi Netflix-a stream a ni a, vawi maktaduai 18.4 en a hlawh tawh.
He show, darkar khat awh hi October 2022 hnua an member pasarih kim thapa an perform lehna hmasa ber a ni a, RM, Jin, SUGA< j-hope, Jimin, V leh Jung Kook te chevel hi Gwanghwamun Square-ah hian mipui 1,00,000 vel zetin a hmunah an thlir a, Netflix lama an show an tihchhuah pawhin view maktaduai 18.4 a tling tawh. He show-ah hian BTS hian an album thar ARIRANG a hlate an perform a ni.
BTS album thar ARIRANG hi kum ruk chhunga an group album tlangzarh leh hmasak ber niin, Zirtawpni kalta khan an tlangzarh a, Spotify pawhin kum 2026-a album tlangzarh zinga a ni khatnaa an platform a album stream nasat ber a nih thu an puang a, hei baka hian Spotify history-a K-pop album stream nasat ber a ni bawk.
BTS hian 2020 khan an full length album ‘Be’ an tlangzarh a, Billboard 200 (US albums) chart-ah No.1 a kai a, hemi hnuah ‘ARIRANG’ hi an album tlangzarh leh hmasak ber a ni.
Netflix hian March ni 27, Zirtawpni ian an streaming platform-ah ‘BTS: The Return’ an tichhuak dawn bawk a, he documentary thar hi ARIRANG an buaipui dan vel tarlanna a ni ang.
BTS rawn comeback leh ta hi sum lamah pawh an chetha dawn niin an chhut a, an album thar bakah tour an neih a concert, merchandise leh licensing leh streaming atangin thla 12 chhungin revenue dollar tluklehdingawn nei thei turin an chhut a ni.
BTS ‘Comeback Live’ special-in Netflix-ah entu ngah
