Bangtan Boys an rawn kir leh ta! K-pop supergroup BTS member Jimin, J-Hope, Jin, Jung Kook, RM, Suga leh V te chuan niminpiah kan 2026-2027 world tour neih an tum thu an puang ta a, kum li vel zet group anga an chet chhuah tawh loh hnuah an rawn comeback leh dawn ta tak tak a ni.
An tour neih tur hi April ni 9-ah Goyang, South Korea-ah an kick-off ang a, Tokyo-a kalin, April thla chawhnu lamah US an thleng ang. US-ah hian September thla thleng show an kual zak zak dawn a ni. Tun tum an world tour neih turah hian sow vawi 79 an nei dawn a, South Korea bakah Japan, North America, Mexico, Spain, UK, Colombia, Brazil, Malaysia te pawh an tlawh ram zingah a tel a, 2027-ah Australia, Hong Kong leh Philippines te pawh an hrut kual zel dawn a ni.
BTS hian January ni 4 khan an comeback album March ni 20-ah an tlangzarh dawn tih an lo puang tawh a, album hming tur hi an la puang lo a, hla 14 a awm dawn tih an puang tawh thung.
BTS-in Global Tour nei dawn
