BTS-in YouTube vawi tluklehdingawn 2 en hlawh thei music video nei ta
BTS hla hit ‘Dynamite’ music video chuan YouTube-ah vawi tluklehdingawn hnih a hlawh ta a, BTS music video zinga hetiang zat en hlawh thei hmasa ber a ni.
‘Dynamite’ video hi August ni 20, 2020-a an tihchhuah niin, BTS member RM, V, Suga, Jimin, Jung Kook, Jin leh j-hope te chu bedroom, record store, disco, basketball court-a an lam lai te a lang a, BTS-in sap hla an tihchhuah hmasak ber niin, Billboard Hot 100 (US singles) chart-ah No.1 kaiin, he chart-a BTS hla No.1 kai thei hmasa ber a ni bawk. He hla avang hian 2021 Grammy-ah best pop duo/group performance an dawng nghe nghe a ni.
BTS hian music video YouTube-a vawi tluklehdingawn en hlawh thei pariat an nei tling tawh a, chung zingah chuan ‘Boy With Luv’ featuring Halsey pawhin vawi tluklehdingawn 1.8 en a hlawh tawh a, ‘DNA’-in tluklehdingawn 1.6, Steve Aoki ‘MIC Drop’ remix tluklehdingawn 1.5, ‘Idol’ leh ‘Fake Love’ tluklehdingawn 1.3 ve ve bakah ‘Butter’ leh ‘Blood Sweat & Tears’ ten vawi tluklehdingawn en an hlawh tawh bawk.
BTS-in YouTube vawi tluklehdingawn 2 en hlawh thei music video nei ta
