BTS member J-Hope chu sipai-ah a inziak lut ve tih BigHit Music-in an puang a, hetihrual hian a hla thar ‘On the Street’ tih pawh a tlangzarh dawn tih an puang tel bawk.
BTS member zinga a upa ber Jin chu nikum December khan South Korea sipai-ah a inziak lut tawh a, J-Hope hi BTS member zinga sipaia inziak lut pahnihna a ni dawn ta a ni.
South Korea-ah hian mipa te chu kum 18 leh kum 35 inkarah sipai-ah thla 18 tal an tan ngei ngei a ngai a, sokarin sipai tan a âwl tir te a nih loh chuan mipa tawh pawt (rualban lohna nei te an nih loh chuan) chu thla 18 tal sipaiah hian an tan ngei ngei a ngai a ni.
BigHit chuan BTS ARMY tan Weverse-ah thuchhuah siamin, “Ka fan-te hnenah j-hope-a’n sipai a inziah luh a tintuah ve ta tih kan puang a, a sipai tan tihkhawtlaina tihtawp dilna (termination of enlistment postponement) a dil mek a ni. Chanchin kan inhriattir zel dawn nia. A sipai tan hun te tlak a, dam taka a lo kir leh theih nan J-Hope hi in hmangaihna leh support-na kan ngen sak nghal a ni. Kan company chuan kan artist-te hi theih tawpin kan support zel dawn a ni,” an ti.
BigHit hian J-Hope hla thar tur chungchang pawh an puang nghal a, “BTS member J-Hope-a’n a solo single ‘On The Street’ a tichhuak dawn tih phur takin kan hriattir a che u,” an ti bawk. ‘On the Street’ hi March ni 3, 2023-ah an tichhuak dawn a ni. A hla hi J-Hope phuah a ni a, fan-te chunga a rilru put dan a tarlanna niin an sawi a, a hla title ‘On the Street’ tih pawh hi J-Hope lo zik chhuahna, street dance lam a kawk a, hei hi artist ni tura a rilru a siam tanna a ni a, artist leh fan-ten zinkawng an zawh ho dan te a puanna a ni.
J-Hope sawi takah chuan Disney+ documentary ‘J-Hope in the Box’ chu stream mek a ni a, hetihrual ian ani hi luxury brand Louis Vuitton chuan an ambassador atana an puan thar ber a ni bawk.
BTS J-Hope sipaiah \ang dawn
