BTS member Jimin chuan a hla thar pahnih ‘Promise’ leh ‘Christmas Love’ te chu a vawi khat nan streaming service zawng zawngah an dah ta a, heng hla te hi 2018 leh 2020-a tihchhuah tawh kha a ni a, mahse, a hma chuan BTS SoundCloud leh YouTube account-ah chauh a awm a, tunah chuan streaming service zawng zawngah a hmuh theih ta a ni.
‘Promise’ hi Jimin-a official solo hla hmasa ber a ni a, 2018 khan fan-te a present a, a hla hi Jimin hian BTS leader RM leh an group producer thin leh collaborator Slow Rabbit te nena an phuah ho a ni a, ‘Christmas Love’ i chu 2020-a Krismas present atana a tihchhuah niin, he hlaah pawh hian Jimin, RM leh Slow Rabbit te bawk an thawk ho leh a ni.
Jimin hian a thiantha tak leh K-pop star ve bawk Ha Sung Woon nen ‘With You’ duet a tichhuak tawh a, BIGBANG member Taeyang nen an thawh dunna ‘Vibe’ a tichhuak tawh bawk.
Jimin hian a solo album ‘FACE’ chu March ni 24-ah a tlangzarh dawn a, he album hi hla paruk awmna tur a ni a, album-a hla ‘Set Me Free Pt.2’ leh a music video pawh March ni 17-ah a tichhuak dawn bawk e.
BTS Jimin ‘Promise’ & ‘Christmas Love’ stream
![](https://theaizawlpost.org/wp-content/uploads/tap_logo-min-large.jpg)