BTS agency Bighit Entertainment chuan BTS member, rapper Suga aka Min Yoongi chuan sipai-a inziah lut ve a tum hnai tih an puang ve leh ta. Tunah hian BTS member pahnih chu sipai-ah an tang mek tawh a ni.
BigHit Music chuan thuchhuah siamin, “Hello. Hei hi BIGHIT MUSIC a ni e. Kan fan-te hnenah SUGA sipai tan tum thu hriattir che u kan duh a, thil tul buaipui mek a ni a, chanchin kan inhriattir zel dawn nia,” an ti a, “SUGA hi a sipai tan chhung leh him taka a rawn kir leh theih nana in-support chhunzawm zel turin kan rawn ngen sak nghal e. Kan company pawhin kan artist-te hi kan theihna zawng zawngin kan support chhunzawm zel dawn a ni,” an ti bawk.
Suga hian a dar a tihliamin, zai te pawh a lo tawk tawh kha a ni a, hei vang hian he rapper hian sipai nunchan tak tak chu a luhchilh ve dawn lo niin sawi a lo awm tawh a, mahse, hemi chungchangah hian BigHit Music chuan engmah thuchiang an la nei lo.
Tunah hian BTS member pahnih chu sipai-ah an inziak lut tawh a, Jin chu December 2022 khan sipai-ah lutin, J-Hope chu April thla khan a lut tawh bawk a, tunah Suga a lut ve dawn ta a, Suga dawtah chuan Kim Namjoon aka RM hi lut ve leh thuai tura ngaih a ni bawk.
Suga hian a album April thlaa a tlangzarh ‘D-Day’ puala tour a neih pawh zo fel tawh a, a tour kharna show-ah stage-ah hnuk ulhin a tap chhuak hial a ni. A solo concert-ah hian ni thum chhung chu a band member pui ten a thlirtu angin an tawiawm nghe nghe a ni.
BTS member Suga sipai-ah lut dawn
