Manipur buaina avanga sahimna zawnga Mizorama tlanlut zing ami Lammuanthang (39) h/o Nemngaihlian, Kanan Veng Lamka Churachandpur chu July 10 zing khan electric current man vangin a thi a, hemi ni vek hian Lamka lamah vui tura kalpui a ni.
Central YMA hruaitute sawi danin, vanduaina tawk Lammuanthang te chhungkua hian June thlatir lam khan sahimna ngaihtuah leh eizawn tumin Mizorama an nute khua Khawdungseiah an rawn lut a, thla khat vel awm phawtin, kar kalta tir lam khan an hmelhriat, raltlana Mizoram lut ve tho, Sihphir lama mi in luaha khawsate rawn belin Sihphirah an insawn a. Thawhtanni zing dar 6.00 vel khan Sihphir Kawnvenga mi in luah tur an hmuh chu a chung rangva pawp thawmtha turin inchungah a lawn a, electric current hruilian uaifualin a man ta a ni.
Electric current-in a man hian a paih a, inchung atanga a tlak thlak hian bawihsawm nghal a ni a, damdawi in panpui niin kalkawngah a thi a ni.
Central YMA chuan a ruang hi la in, a ruang thlah a nih hnu ah Central YMA morgue van-in Tuivai lei thleng dah a ni anga, heta tang hian Manipur Group YMA chuan Lamka panpui turin an lo lachhawng dawn a. Chief minister chuan an chhungkua bungraw phurhna tur lirthei a tumsak a ni.
Buaina tlansantu current man thi
