Jennie, Jisoo, Rose leh Lisa te chuan South Korean President Yoon Suk Yeol leh First Lady Kim Keon Hee te sap ram zin puala sap lal chhungkuain Buckingham Palace-a zanriah an buatsaih chu an chhim ve a, an nalh hlawm zek zawk khawp mai. BLACKPINK member te hi King Charles leh Queen Camilla te khualtha niin, King Charles hian BLACKPINK member te hi thla kaltaa Glasgow-a COP26 global climate summit-a an thawhhlawk avangin chawimawina hlu tak Honorary MBE a lo hlan nghe nghe a ni.
BLACKPINK hi January 2021 khan UK sorkarin global UN climate change chungchanga inhmuhkhawmna chungchang hi lo pu darh tur leh heti lama thalaite fuih phur turin an ruai a, BLACKPINK hian an thawh hlawk hle ni a hriain Honorary MBE hi an hlan ta a ni.
King Charles pawhin BLACKPINK hi an hming lam chhuakin lawmthu a sawi a, “Korea thalai ten hemi chungchang an pawm thiam em em mai hi a lawmawm a ni. Hemi kawngah hian Jennie, Jisoo, Lisa leh Rose, BLACKPINK ti a hriat lar te hi UK Presidency of COP 26 Ambassador an nih anga an thawh hlawk avang UN Sustainable Development Goals tlangaupuitu an nih leh tak dan te hi ropui ka ti a ni,” a ti.
Buckingham Palace-ah BLACKPINK-in Honorory MBE an dawng
