Mizoten kan rin pui ber buh hi ngaih pawimawh hmasaka neih awm tak a nih laiin, kan thengthawngah hian a lut lo tlang niin a lang. Kan ram leilung thatzia hahipa sawi reng chung si hian a chhawr tangkaina lamah tha kan thawh leh meuh si lo a, state dang tharchhuahah kan la innghat reng mai hi chu, inngaihtuah harh a hun ta hle.
Kan buh tharchhuah chhun ve lah hi, kum tin ramngaw vat chereu zawng leh a pawi khawih tam thei zawnga tharchhuah a la han ni ta dah a. Chu chuan kan mamawh zaa 20 pawh a phuhru lova, kan buhfai lei thin lah a chhawk zangkhai a ni hek lo. buhfai lei pawlin an lei tluk tluk a, buh ching pawlin ram tichhe zawngin an ching tluk tluk bawk a. Chutih laiin, buh thar tam theihna tur leh, ramngaw chereu zel tur venna tur tha tak ni bawk si, leilet siam theihna ram awl (potential area) hectare sing nga chuang kan neih thu kan inhrilh tluk tluk bawk a, leiletah kan let thei der bawk si lo. Sawrkar awm tawh zawng zawng khan ram awl tha, leilet atana siam theih kan neih tamzia hi an sawi thei vek a, eng sawrkar mahin thapuia beih an tum lo vek niin a lang.
Thingtlang lo neih leh leilet siam hi a buaipui a inhautak hleih hle a. Thingtlang loneih hi chu hreipui leh chempui nena sual thluk theih mai a ni a, chutih laiin leilet siam dawn chuan laih zawl deuh te, tuilakna siam te, leileh nan khawl emaw te a lo ngai leh a, chemtum leh hreipui ringawta han tuk zawh mai theih a ni ve lova, chuvangin sawrkar tha chakna tam tak a ngai a. Ram hruaitute hian, ‘thawk phawt ula, kan pui ang che u’ ti mai lo deuha kuthnathawktute dawmkanna tura hma an hruai a pawimawh. Sawrkar a chet loh chuan leileta siam theih ram awl tha hian ngai a awh reng mai dawn tihna a ni ang.
buh bawk hi
