Buh ei tamin diabetes risk tisang

Kei nin kan chaw pui bera kan neih buh var (white rice) hian type 2 diabetes risk a tisang niin mithiam ten an sawi.
Harvard School of Public Health a mithiam ten zirchianna an neihah chuan China leh Japan bakah khawthlang lam ram USA leh Australia-a mithiam ten hemi chungchanga zirchianna an lo neih tawh te chu an chingchip (analysed) leh a, heng zirchianna atana volunteer-te hi an tirah chuan diabetes nei lo vek an ni.
Buh hian GI value a nei sang hle a, GI a san chuan type 2 diabetes risk a tisang ve leh nghal a ni. Asia ram leh khawthlang lam ramte buh ei dan chu a inthlau hle a, chawhrualin Chinese te chuan ni khatah buh telna chaw tum li vel ei ang an ni a, chutih laiin khawthlang lam ramah chuan chawhrualin kar khatah tum vel buh telna chaw ei ang chauh an ni thung.
Mithiam te chuan buh hi kan ei hnem zawh poh leh diabetes risk hi a sang niin an sawi a, vawi khat chaw eiah buh gram 158 vel ei ta ila, chu chuan type 2 diabetes neih theihna risk hi 10% velin a tisang niin an sawi.
He zirchianna chungchang hi bmj.com-ah tarlan a ni.