Criminal law pathum hman tan a nih tak hnuah Congress te chuan July 1 khan sorkar chu MP 146 lai suspend hmanga ‘tihluihnaa’ Criminal law pathum te chu pawm tia sawiin INDIA bloc chuan India parliamentary system ah khatianga ‘bullzoder justice’ a thlen zui zel a remti dawn lo a ti.
July 1 atanga hman tan criminal law thar pathumte chuan India criminal justice system a thlak danglam nasa hle a ni.
Bharatiya Nyaya Sanhita (BNS), Bharatiya Nagarik Suraksha Sanhita (BNSS) leh Bharatiya Sakshya Adhiniyam (BSA) tunlai nun leh modern-day crime mila siam tih a ni a. Heng dan thar te hian British-era Indian Penal Code, Code of Criminal Procedure leh Indian Evidence Act te chu a thlak ta a ni.
Kharge chuan, “Inthlanah political leh moral shock an neih hnuah Mod leh BJP te chuan Constitution zahawm takin an awm a, thudik tak zawk chu heng criminal justice system dan pathum te hi MP 145 suspend hmanga an passed a ni. INDIA chuan kan parliamentary system ah ‘bulldozer justice’ a thlan kan remti tawh dawn lo” tiin a sawi.
Congress general secretary Jairam Ramesh pawhin dan thar hmanga Delhi a FIR hmasak ber chung changah sorkar chu a elsen bawk a. “Bharatiya Nyay Sanhita 2023 hnuaia FIR hmasa ber chu Delhi police tena ni tina a nun theih nana New Delhi Railway Station foot-over bridge hnuaia street vendor laka an FIR chu a ni,” tiin Ramesh chuan a sawi.
Delhi Police-te chuan street vendor tui leh tobacco product zuar hian a inzawrhna cart chuan Kamala Market a mipui kalkawng a tibuai tiin an FIR a ni.
Senior Congress leader P. Chidambaram pawhin sorkar chuan criminal law pathum te chu dan awmsa hnawlin bill thar te sawihona leh debate pawh awm mumal lovin an kalpui bur a ti bawk a.
Chidambaram chuan, “He dan thar tia sawi te hi 90-99 per cent chu cut, copy leh paste a ni. Dan awmsa pathumah amendment tlem siama tihthat mai theih chu hun khawhralin an siam a ni. Dan tharah thil thar leh tha zawk chu a awm ngei a, lawmawm kan ti. Amendment angin introduce mai se a ni tur a nia. Chutih rual chuan provision fuh loh hmel zet zet pawh awmin thenkhat chu a lan danah unconstitutional te pawh a ni,” tiin a sawi bawk.
Standing Committee member MP thenkhatte chuan dan thar provision-ah siamthat ngai awma hriain dissent note te an ziak a ti a. Mahse, sorkar chuan MP te chu chhanna emaw hnialna emaw engmah a pe lo va, Parliament-ah debate a ni hek lo a ti bawk.
“Law scholars, bar association, judges leh lawyers ten article tam tak ziakin seminar ah te pawh dan thar pathuma thil fel lote an sawi lang a. Mahse, sorkar a tumahin chungte chu an chhang ngam lo,” tiin a sawi bawk.
“Dan awmsa pathum hnawl bur a, Bill thara sawihona leh debate pawh awm lova thlak hlawk tawp a ni” tiin Chidambaram chuan a sawi bawk.
A tirah criminal justice administration chu a tibuai hle dawn a ni a ti bawk a. “Nakin lawkah he dan avanga harsatna te court hrang hrangah a la awm dawn. Hun lo lakal turah heng dan pathumah hian Constitution mil leh modern principles of criminal jurisprudence mil turin thlak danglam a la ngai dawn,” tiin Chidambaram chuan a sawi bawk.
‘Bulldozer Justice’ thlen remti dawn lo ti
