Madhya Pradesh a khaw lian lo tak Morena khawchhuak Nandini Agarwal, kum 19, chuan Chartered Accountant (CA) exam-ah India-ah pakhatna a ni a, Guinness World Records chuan khawvela hmeichhe zinga CA ni thei naupang berah an puang.
Nandini Agarwal hi a lehkha zir lai pawhin a kal tluang hle a, school a kal laiin pawl hnih a bawhkân a, kum 13 a tlinin pawl 10 board exam a pass a, kum 15-ah pawl 12 a zo leh a, kum 19-ah chuan Guinness World Record a siam ta a ni.
Nandini hian final CA exams hi July 2021 khan neiin, chutihlai chuan tleirawl kum 19 mi chauh a la ni a, ram pumah mark hmusang ber a ni nghe nghe a, full mark 800-ah 614 a score a, chu chu 76.75% niin, mi 83,000 chuang exam zingah a ti tha ber a ni.
Nandini hian pawl 11 a zirlaiin Guinness World Record holder pakhatin an school a tlawh a, chuta tang chuan record siam ve tumna a nei tan a, CA exams chu record siam nan hman tumin a rilru a siam ta a ni.
CA ni thei naupang ber Nandini Agarwal
