Site icon The Aizawl Post

CADC VC inthlanah BJP-in a la hnem ber

CADC VC inthlanah
BJP-in a la hnem ber
Chakma Autonomous District Council (CADC) huamchhunga village council (VC) inthlanah BJP chuan seat a la hnem ber a, VC siamna a ngah ber.
March 12-a CADC huamchhunga VC inthlan hi hemi tlai dar 5.00 atangin vote chhiar tan a ni a, a vaia VC 88 awmah BJP-in VC la hnem berin VC 64-ah hnehna a chang a, ZPM-in dawtin VC 12-ah hnehna a chang a, MNF-in VC 8 la in, independent-in VC pahnih an la a, chak zawk awm lohna VC 2 a awm.
CADC-ah hian VC seat 516 (general 428 leh reserved 88) a awm a. Seat mal anga chhiarin BJP-in seat 366, general seat 304 leh reserved seat 62 la in a la hnem ber.
ZPM-in dawtin general seat 67 leh reserved seat 14, a vaiin seat 81 a la a. MNF-in seat 45 general seat 38 leh reserved seat 7 a la. INC-in general seat 1 leh reserve seat 1 la in, independent candidate-in seat 22 – general 18 leh reserved 4 ah hnehna an chang a ni.
Tarlan tawh angin CADC huamchhungah hian VC 88 awmin, candidate 977 (general 826, reserved 151) an awm a. a vaiin vote nei 37883 an awm. Tun tuma vote thlak hi mi 26652 (74.19%) an ni.

Exit mobile version